Аԥсны апрокуратура хада Аҟәа адепутатцәа рхысрақәа рзы агәаҭарақәа ирылагеит

© Sputnik Прокуратура.
Прокуратура. - Sputnik Аҧсны, 1920, 02.10.2021
Анапаҵаҩра
Ашәахьа жьҭаара 4 азы Жәлар Реизара адепутатцәа ҩаԥхьа аилатәара мҩаԥыргоит адепутати, Аџьынџьтәылатә еибашьра аветеранцәеи, амилициа аусзуҩцәеи рыбжьара аҭыԥ змаз аимак аилыргаразы.
АҞӘА, жьҭаара 2 - Sputnik. Аԥсны апрокуратура хада аусҭҵааратә усбарҭа имҩаԥнагоит апроцессуалтә гәаҭарақәа цәыббра 30 Аҟәа амшын аԥшаҳәаҿы аҭыԥ змаз ахысра азы, абри атәы аанацҳауеит апрокуратура хада асаит.
Мвд Абхазии - Sputnik Аҧсны, 1920, 02.10.2021
Жәлар Реизара адепутат Аԥсны ААР ахыбра аԥхьа ахысра далагеит жьҭаара 1 ауха
Аусеиларгаҩцәа игәарҭоит Жәлар Реизара адепутат Гарри Кокаиа тапанчала хәынтә ажәҩанахь ихысыз, Аҟәа амшын аԥшаҳәаҿы иҟоу ақьафурҭа "Rinna" азааигәара иҟалаз ахҭыс азы, ҳәа аҳәоит аацҳамҭаҿы.
Аусҭҵааратә гәаҭарақәа рҳәаақәа ирҭагӡаны азинтә хәшьара рыҭахоит Аԥсны аҩнуҵҟатәи аусқәа рминистрра аусзуцәа, ахысра ахьыҟалаз аҭыԥ аҿы инеиз рхымҩаԥгашьаз, ҳәа аҳәоит атекст аҟны.
Иара убасгьы, Аҟәатәи апрокуратура имҩаԥнагоит апроцессуалтә гәаҭарақәа жьҭаара 1 ауха Аҩнуҵҟатәи аусқәа рминистрра ахыбра аҿаԥхьа иҟаз ахысрақәа рзы.
Аоперативтә маҵзурақәа заанаҵтәи рдыррақәа рыла,аҩнуҵҟатәи аусқәа рминистрра ахыбра аԥхьа дхысит Аԥсны Жәлар Реизара адепутат Алмасхан Арӡынба.
Ажәабжьқәа зегьы
0