АҞӘА, жьҭаара 8 - Sputnik. Астанциа маҷқәа зегьы рҟны ақәыӷәӷәара еиԥшны еизҳауеит, ҳәа иҳәеит "Аҟәатәи афымцамчҳақәа" реиҳабы Ҭимур Џьынџьал аԥшьаша жьҭаара 7 азы имҩаԥысыз акриптовалиута арҳара аԥырҟәҟәаразы аоперштаб аусура аилацәажәараҿы.
Цәыббрамзазы иныхыз афымцамч 28 миллион кВт/с ыҟоуп, 2019; 2020 шықәсқәа ирыҿурԥшуаз 4 миллион кВт/с рыла еиҵоуп ҳәа иҳәеит иара.
Аилацәажәара алахәылацәа афымцамч ахәԥса ашәара астатистикагьы иалацәажәеит.
"Афымцамчҭира" аҟәша аиҳабы Џьамбулаҭ Аршба адырра ҟаиҵеит апандемиа инадҳәаланы ари аҩышықәса ахәԥса зымшәо алашара шрымрымхуа, убри аан 30% абонентцәа шракәу аԥара зшәо.
"Цәыббрамзазы афымцамч ахархәара ахьеиҵахаз азы илгоу аԥарагьы еиҵоуп нанҳәамза аасҭа. Илгоуп 8 миллионки 875 нызқьи 600 мааҭ. Ԥхынгәы, нанҳәа, цәыббра рзы илгоуп 27 миллиони 831 нызқьи 800 мааҭ", - иҳәеит "Афымцамчҭира" аҟәша аиҳабы Џьамбулаҭ Аршба.
Иахьазы Аҟәа иқәгылоуп 5 200 фымцамчгәаҭагақәа. Ааигәа арҭ ахархәагақәа аҽа 14 ҩнеихагыла рҿы иқәдыргылеит. Ақалақь ахадараҿы ари алҵшәа аиуеит ҳәа иахәаԥшуеит.
Иара убас шәаԥхьар ҟалоит: