АҞӘА, жьҭаара 17 – Sputnik. Ахра Ашәба иҽыҩқәа "Вронскии" "Старки" аҩбатәи ахԥатәи аҭыԥқәа ааныркылеит жьҭаара 17 рзы Краснодар имҩаԥысуаз аҽырҩраҿы . Абри атәы аанацҳауеит Аԥсны аҿари аспорти рзы аҳәынҭқарратә еилакы.
Х-шықәса зхыҵуа арабтәи аҽыҩқәа рыбжьара "Вронскии" "Старки" 1800 метра иҩуан "Аҽырҩра аамҭа аркра аԥхьахә" агараҿы.
Аҽырҩра аамҭа аркра зымҿхак ҭбаау аныҳәа еиднакылеит 2021 шықәсазы иалкаахаз аҽыҩқәа. Аҽырҩра ацәаҳәаҿы ицәырҵит Урыстәыла аҽырҩырҭақәа зегьы рҟынтәи аҽы ццышәқәа.