АҞӘА, жьҭаара 19- Sputnik. Аԥсны атуризм аминистр Ҭеимураз Хышба Москваҟа иусутә ныҟәара аҳәаақәа ирҭагӡаны аԥгаԥсазы аԥсуа-аурыс усутә комиссиа раԥхьатәи аилатәара, аанацҳауеит аминистрра апресс-маҵзура.
Аиԥылара иалахәын Аԥсны ахада иҟны еиҿкаау, аԥгаԥсатә усхк аиӷьтәразы иаԥҵоу аусутә гәыԥ алахәылацәа, Ростуризм ауаажәларратә хеилак ахаҭарнакцәа, урыстәылатәи аԥгаԥсаҟаҵацәа.
Иазгәаҭоуп аиԥылараан ишрылацәажәаз 2021 шықәсатәи атуристтә сезон аихшьаалақәа, Аԥсны аҵакыраҿы зыԥсы зшьо урыстәылаа рыԥгаԥсаҟаҵара аиҿкаара азҵаарақәа. Уи адагьы аиԥылара алахәылацәа ргәаанагарақәа еимырдеит Аԥсны аҵакыраҿы амедицинатә цхыраара аиҿкаара азҵаарақәа ирыҵаркуа астатистикатә информациеи , аԥгаԥсатә аалыҵқәеи рганахь ала.
Аиԥылараҿ иара убасгьы еиқәшаҳаҭхеит атуристцәа рыԥсшьараан ршәарҭадара, рыплани ажәалагалақәеи разырхиаразы.
Аԥгаԥсатә усхк аиӷьтәразы ажәадгалақәа разырхиаразы аусутә гәыԥ аԥҵан Аԥсны ахада Аслан Бжьаниа иусдҵала, аԥгаԥсатә усхк аизҳазыӷьара алыршаразы, Аԥсныҟа иаауа атәымтәылауааи атәылауаҩра змам ахаҿқәеи хымԥада аԥгаԥса раҵаркразы.