АҞӘА, жьҭаара 26– Sputnik. Аԥсны ахада Аслан Бжьаниеи Урыстәыла ахада Иусбарҭа анапхгаҩ ихаҭыԥуаҩ Дмитри Козаки Москва еиԥылеит. Абри атәы аанацҳауеит ахада ипресс-маҵзура.
Аиԥылараҿы аганқәа ирылацәажәеит аԥсуа-аурыс еизыҟазаашьақәа, иара убас 2022-2025 шықәса рзы Аԥсны асоциал-економикатә ҿиареи афинанстә усеицуреи рызҵаарақәа.
Ахада ипресс-маҵзура иаанацҳаит Аслан Бжьаниа Москва дырԥылараны дыҟоуп Урыстәыла ахада Иусбарҭеи, Урыстәыла аиҳабыреи рхаҭарнакцәа ҳәа.
Аԥсны ахада уаанӡатәи Москваҟа иусутә ныҟәара мҩаԥысуан жьҭаара 8 инаркны 16-нӡа, усҟан Бжьаниа дырԥылеит урыстәылатәи ачынуаа, ирылацәажәан хырхарҭарацәала еиуеиԥшым Аԥсны асоциал-економикатә ҿиаразы азҵаарақәа.