АҞӘА, жьҭаара 26 – Sputnik. ЕЕ ахаҭарнак ҷыда Готфрид Ханне Аԥсны Адәныҟатәи аусқәа рминистр идигалеит арегионалтә программа "EU4Dialogue", иара убас иирдырит апрограмма анагӡаҩцәеи уи алахәылацәеи. Абри атәы аанацҳауеит Аԥсны Адәныҟатәи аусқәа рминистрра асаит.
Апрограмма "EU4Dialogue" хықәкы хадас иамоуп, Аԥсны Аҳәынҭқарра жәларбжьаратәи аҵаратәи акультуратәи апроектқәа рылархәра.
Даур Ақаҩба ари ҭабуп ҳәа ахиҳәааит, иазгәеиҭеит аспектқәа зегь рылацәажәара шаҭаху ари апроект Аԥсны аҵакыраҿы аусура аларгаразы.