АҞӘА, абҵара 5 - Sputnik. Абҵарамзазы Аԥсныҟа иааргараны иҟоуп фнызқь лаҵа "Спутник V".
Абри атәы иҳәеит Аԥсны агәабзиарахьчара аминистр Едуард Быҭәба алаҵа ззыҟаҵоу QR-кодқәа рыҭара аӡыргараан.
"30 нызқь лаҵа аиуразы алогистикатә еилаӡара хҳаркәшеит. Уа жәазын фнызқь лаҵа ҳауеит", - ҳәа иҳәеит аминистр.
Алаҵақәа "Спутник V", "Спутник Лайт" Аԥсны иззыҟаҵоу зегьы асертификат роуеит иуникалу QR-код ацны. Акод шықәсык ҿҳәарас иамоуп.