https://sputnik-abkhazia.info/20211105/asny-agabziarakhchara-aministrra-alaa-zzyaou-qr-kod-ryara-aprogramma-ialatsazheit-1036211306.html
Аԥсны агәабзиарахьчара аминистрра алаҵа ззыҟаҵоу QR-код рыҭара апрограмма иалацәажәеит
Аԥсны агәабзиарахьчара аминистрра алаҵа ззыҟаҵоу QR-код рыҭара апрограмма иалацәажәеит
Sputnik Аҧсны
Апрограмма аус аднауылеит амобилтә еимадара "А-мобаил" хәыда-ԥсада. QR-код аԥҵаразы аҿыцрақәа алагалан аминистрра асаит, иԥсахын домен, иацҵан "ахатәы... 05.11.2021, Sputnik Аҧсны
2021-11-05T15:19+0300
2021-11-05T15:19+0300
2021-11-18T16:59+0300
аԥсны
ажәабжьқәа
ауаажәларра
едуард быҭәба
борис барцыц
аҿкчымазара, алаҵаҟаҵара: акоронавирус азы аԥсны аҭагылазаашьа
https://cdnn1.img.sputnik-abkhazia.info/img/07e5/0b/05/1036208722_0:160:3072:1888_1920x0_80_0_0_9a6d6fd8dc53b0cbcda06fefabda586b.jpg
АҞӘА, абҵара 5 – Sputnik, Асмаҭ Ҵәыџьԥҳа. Агәабзиарахьчара аминистрра алаҵа ззыҟаҵоу QR-код рыҭара апрограмма иалацәажәеит.Агәабзиарахьчара аминистр Едуард Быҭәба иажәақәа рыла алаҵақәа "Спутник – V", "Спутник Лайт" ҟазҵаз аминистрраҟынтә смс-дыррақәа роулоит алогини апароли рыцҵаны.Алогини апароли "ахатәы кабинет" ахь иҭагалатәуп аминистрра асаит аҿы. "Акабинет" аҟны иарбахоит алаҵази иара ахьыҟаҵаз амедусҳәарҭази адырра. Иара уа иалшоит алаҵа аныҟаҵаз арыцхәи, иахьыҟаҵаз амедусҳәарҭеи рыхҩылаара, иара убасгьы QR-код ахҩылаара, ԥхьаҟазы акьыԥхьразы ма аелектронтә версиа ахархәаразы. Акод аелектронтә версиаҿ ирмаӡоуп алаҵазы асертификат аномер, арҭ адыррақәа зныԥшуа аминистрра адаҟьахь уҭазгало ахырхарҭа.QR-кодқәа рырҭоит аминистрра еиҿнакааз алаҵа ззыҟаҵоу рбаза ашьаҭала. Акодқәа ауаа рыҭара иалагеит абҵара 4 азы. "А-мобаил" адиректор хада Борис Барцыц иажәақәа рыла, алогинқәеи апарольқәеи 850-ҩык рҟынӡа ирзынашьҭуп."Агәабзиарахьчара иамоу адыррақәа рбазаҿ акод аиҿкааразы иахәҭоу адыррақәа зегьы ыҟамызт, џьара аира арыцхә арбамызт, џьара атәылауҩшәҟәы адыррақәа зегь арбамызт. Убри азы аамҭак ала адыррақәа рбазагь ишахәҭоу аиҿкаараз аусура цоит", - иҳәеит иара.Ауаҩы алаҵа ҟаиҵазар, уи азы аршаҳаҭга имазар, аха апароль изымнеизар, асаит аҿы аформа ҷыда харҭәаатәуп. Уа иарбатәуп ажәла, ахьӡ, абхьӡ, аҭел, атәылауаҩшәҟәы актәии аҩбатәии адаҟьақәа, алаҵазы асертификат. Барцац иажәақәа рыла ари аинформациа аминистрра аҟазауаа ироуеит, аусгьы адыруылоит."Аилахәыра адыррақәа рнырра алшом. Ҳара иаҳусу асаит аԥҵароуп. Адыррақәа зегьы аминистрра абазаҿы иҟоуп. Асаит ҿыц аиҳабыратә еимадара амаҵзура асерверқәа рҿы иҟоуп. Адыррақәа рыхьчаразы азакәан иаҵанакуеит", - ҳәа иҳәеит иара.Барцыц иазгәеиҭеит атәылауаа, зхала QR-код аиура асхема ззеилмырго, "А-мобаил" аофисқәа рахь инеир шрылшо, уа аусзуҩцәа ацхыраара шрырҭо, ирҭаххар акод хәыда-ԥсада ишырзыркьыԥхьуа.Едуард Быҭәба иажәақәа рыла Аԥсны ирырҭо QR-код Урыстәыла иазхарҵаларц аофициалтә ӡбара шыҟам, аха иахьрыдыргало ирыдыркылоит ҳәа."Ари азҵаара аус адаауылалоит. Анаҩс иҟало ауадаҩрақәа ирҿырԥшны ҳусура еиҿаҳкаалоит", - иҳәеит иара.Борис Барцыц иҳәеит аилахәыра ааигәа ачымазара зхызгаз рсертификат аԥҵара аус адуылара ишалаго.
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, ауаажәларра, едуард быҭәба, борис барцыц, аҿкчымазара, алаҵаҟаҵара: акоронавирус азы аԥсны аҭагылазаашьа
ажәабжьқәа, ауаажәларра, едуард быҭәба, борис барцыц, аҿкчымазара, алаҵаҟаҵара: акоронавирус азы аԥсны аҭагылазаашьа
Аԥсны агәабзиарахьчара аминистрра алаҵа ззыҟаҵоу QR-код рыҭара апрограмма иалацәажәеит
15:19 05.11.2021 (ирҿыцуп: 16:59 18.11.2021) Апрограмма аус аднауылеит амобилтә еимадара "А-мобаил" хәыда-ԥсада. QR-код аԥҵаразы аҿыцрақәа алагалан аминистрра асаит, иԥсахын домен, иацҵан "ахатәы кабинет".
АҞӘА, абҵара 5 – Sputnik, Асмаҭ Ҵәыџьԥҳа. Агәабзиарахьчара аминистрра алаҵа ззыҟаҵоу QR-код рыҭара апрограмма иалацәажәеит.
Агәабзиарахьчара аминистр Едуард Быҭәба иажәақәа рыла алаҵақәа "Спутник – V", "Спутник Лайт" ҟазҵаз аминистрраҟынтә смс-дыррақәа роулоит алогини апароли рыцҵаны.
Алогини апароли "ахатәы кабинет" ахь иҭагалатәуп аминистрра асаит аҿы. "Акабинет" аҟны иарбахоит алаҵази иара ахьыҟаҵаз амедусҳәарҭази адырра. Иара уа иалшоит алаҵа аныҟаҵаз арыцхәи, иахьыҟаҵаз амедусҳәарҭеи рыхҩылаара, иара убасгьы QR-код ахҩылаара, ԥхьаҟазы акьыԥхьразы ма аелектронтә версиа ахархәаразы.
Акод аелектронтә версиаҿ ирмаӡоуп алаҵазы асертификат аномер, арҭ адыррақәа зныԥшуа аминистрра адаҟьахь уҭазгало ахырхарҭа.
QR-кодқәа рырҭоит аминистрра еиҿнакааз алаҵа ззыҟаҵоу рбаза ашьаҭала. Акодқәа ауаа рыҭара иалагеит абҵара 4 азы. "А-мобаил" адиректор хада Борис Барцыц иажәақәа рыла, алогинқәеи апарольқәеи 850-ҩык рҟынӡа ирзынашьҭуп.
"Агәабзиарахьчара иамоу адыррақәа рбазаҿ акод аиҿкааразы иахәҭоу адыррақәа зегьы ыҟамызт, џьара аира арыцхә арбамызт, џьара атәылауҩшәҟәы адыррақәа зегь арбамызт. Убри азы аамҭак ала адыррақәа рбазагь ишахәҭоу аиҿкаараз аусура цоит", - иҳәеит иара.
Ауаҩы алаҵа ҟаиҵазар, уи азы аршаҳаҭга имазар, аха апароль изымнеизар, асаит аҿы аформа ҷыда харҭәаатәуп. Уа иарбатәуп ажәла, ахьӡ, абхьӡ, аҭел, атәылауаҩшәҟәы актәии аҩбатәии адаҟьақәа, алаҵазы асертификат. Барцац иажәақәа рыла ари аинформациа аминистрра аҟазауаа ироуеит, аусгьы адыруылоит.
"Аилахәыра адыррақәа рнырра алшом. Ҳара иаҳусу асаит аԥҵароуп. Адыррақәа зегьы аминистрра абазаҿы иҟоуп. Асаит ҿыц аиҳабыратә еимадара амаҵзура асерверқәа рҿы иҟоуп. Адыррақәа рыхьчаразы азакәан иаҵанакуеит", - ҳәа иҳәеит иара.
Барцыц иазгәеиҭеит атәылауаа, зхала QR-код аиура асхема ззеилмырго, "А-мобаил" аофисқәа рахь инеир шрылшо, уа аусзуҩцәа ацхыраара шрырҭо, ирҭаххар акод хәыда-ԥсада ишырзыркьыԥхьуа.
QR-код ҿҳәарас шықәсык амоуп.
Едуард Быҭәба иажәақәа рыла Аԥсны ирырҭо QR-код Урыстәыла иазхарҵаларц аофициалтә ӡбара шыҟам, аха иахьрыдыргало ирыдыркылоит ҳәа.
"Ари азҵаара аус адаауылалоит. Анаҩс иҟало ауадаҩрақәа ирҿырԥшны ҳусура еиҿаҳкаалоит", - иҳәеит иара.
Борис Барцыц иҳәеит аилахәыра ааигәа ачымазара зхызгаз рсертификат аԥҵара аус адуылара ишалаго.
