АҞӘА, абҵара 8 – Sputnik, Асмаҭ Ҵәыџьԥҳа. Тҟәарчал араион ақыҭақәа рҿы алашара ахә ашәара ақалақь аҿы аасҭа еиҳаракуп. Абри атәы иҳәеит Атәыла ахада имҩаԥигоз аилацәажәараҿы ТҟәарчалРЕС аиҳабы Герман Каҷараа.
"Ақалақь аҿы алашараз 25-30 процент роуп изшәо, 80 процент ақыҭақәа", – иҳәеит Каҷараа.
Иара иажәақәа рыла, 2021 шықәса ажьырныҳәа 1 аахыс араион аҿы 4 миллионки 981 нызқьмааҭ еизыргахьеит.
Каҷараа еиҭеиҳәеит акриптовалиута арҳара азин ааныркылаанӡа 32 мегаватт алашара шнырхуаз, уи ашьҭахь - 14 мегаватт.
Аслан Бжьаниа аԥареизгаразы иҟоу ауадаҩрақәа дрылацәажәеит. Ақыҭақәа рхадацәа ирыдиҵеит ашықәс нҵәаанӡа ауалқәа зегь еизыргарц.
"Аԥаралхра алшом ҳәа ирҳәо агәра згаӡом. Ус еиԥш зҳәо аусура зҭахым иоуп. Алашара шәырцәо шәалагар, иршәоит. Ма ақыҭақәа рхадацәа амаҳхлап", - ҳәа иҳәеит иара.
Бжьаниа иҳәеит иааиуа ахәышықәса рыҩнуҵҟа алашара ахә 2 мааҭк рҟынӡа ишышьҭыҵуа.
"Амилициаа уахи-ҽни амаинерцәа ирышьҭоуп. Арахь аӡәгьы иреиҳәаӡом амаинингқәа ахьықәгылоу. Иҟоу ргәаԥхозар акәхап", - иҳәеит Ахада.