АҞӘА, абҵара 8 - Sputnik, Асмаҭ Ҵәыџьԥҳа. Аԥсны аԥыза-министр ихаҭыԥуаҩ, аекономика аминистр Кристина Озган Тҟәарчалтәи араионтә хәышәтәырҭа ашықәс нҵәаанӡа иаартхар алшоит, ҳәа лҳәеит Тҟәарчал араион ахадараҿы имҩаԥысуаз анҭыҵтәи аилацәажәараҟны.
Араионтә хәшәтәырҭа аҳақьым хада Лали Гаргулиаԥҳа иазгәалҭеит амедусҳәарҭа аштат аҿы ишарбоу 195-ҩык, аус шыруа 145-ҩык. Лара лажәақәа рыла аҳақьымцәа рзымхара ыҟоуп.
Тҟәарчалтәи араионтә хәшәтәырҭа 2017 шықәса рзы Аинвистициатә программа аҳәаақәа ирҭагӡаны аргылара иалагеит.
2020 шықәса нанҳәазы арахь днеины дыҟан аинспекциаҟаҵаразы Урыстәыла аекономикатә ҿиара аминистр Михаил Бабич. Усҟан аҭагылазаашьа иаҿырԥшны аргылара аԥаразоужьра алимит иацҵан. Уи ишьақәнартәеит 258 миллион мааҭ.
Ахәшәтәырҭа 80 иара акуеит, Тҟәарчал араиони ааигәа-сигәатәи ақыҭақәеи руааԥсыра рымаҵ ауа иҟалоит.