АҞӘА, абҵара 19 – Sputnik. 2022 шықәса мшаԥымзазы Аԥсны имҩаԥгахоит Аҳәынҭқарратә Дума атуризм азы Аилак анҭыҵтәи аилатәара, ҳәа аанацҳауеит аусбарҭа апресс-маҵзура.
Аилатәара аҳәаақәа ирҭагӡаны имҩаԥгахоит атуристтә проектқәа реицымҩаԥгара азҵаара.
Аԥсны Атуризм аминистр Ҭеимураз Хышба Москва Аҳәынҭқарратә Дума атуризм азы Аилак аилатәараҿ далацәажәеит атуризм аусхк аҿы аԥсуа-аурыс усеицура, атуристтә индустриа аусхк аҿиарагьы абрахь иналаҵаны.
Аганқәа иазгәарҭеит ишхымԥадатәиу амшынтә туристтә маршрут Аҟәа, Шәача, Геленџьик, Ҟрым аиҭахацыркра.
Аԥсны Атуризм аминистр Ҭеимураз Хышба усутә ныҟәарыла Москва иҟазаара иалагӡаны имҩаԥигоит еиуеиԥшым аиԥыларақәа.