АҞӘА, абҵара 23 – Sputnik. Урыстәыла акоронавирус аԥшьбатәи ацәқәырԥа ахьаҵра иаҿуп, ҳәа аҩуеит "Коммерсантъ" амолекулиар-генетикатә ҭҵаарақәа рцентр ДНКОМ адыррақәа шьаҭас иҟаҵаны.
Алабораториа аиҳабы Андреи Исаев аҳәамҭа ҟаиҵеит ас шакәу узырбо ПЦР-анализқәа реиҳарак авирус ахьадмырбо ауп ҳәа.
Ацентр аԥхьаӡарала ииасыз амчыбжь азы иҵоуроу аҭакқәа 6 процентк рҟынӡа илаҟәит. Уаанӡа ари арбага 11 процент ыҟан.
"Астатистикала иубарҭоуп зегь раасҭа ихьанҭаз аԥшьбатәи ачымазаратә цәқәырԥа хьаҵуа ишалагаз. Аха ари иаанагаӡом акоронавирус ҳаиааиит ҳәа", — иҳәоит амолекулиартә биолог, МАУ аҭҵаарадырратә усзуҩ Сергеи Харитонов.
Уаанӡа Гамалеи ихьӡ зху амикробиологиеи аепидемиологиеи ринститут аиҳабы, COVID-19 аҟынтә алаҵа "Спутник V" аԥызҵаз Александр Гинцбург иҳәахьан Урыстәыла COVID-19 аӡбахә умҳәартә иҟалоит ауааԥсыра 70-75 процент иахәҭоу ацәеижьҿагылақәа анроулак ҳәа.