АҞӘА, абҵара 27 - Sputnik. Атуристтә дәыӷба "Сочи" раԥхьатәи ашықәсҿыцызтәи ареис хацнаркуеит Тҟәаԥсынтәи Гаграҟа ԥхынҷкәынмза 30 рзы. Абри атәы аанацҳауеит Аҩада-Кавказтәи аихамҩа апресс-маҵзура.
Адәыӷба "Сочи" ала Аԥсны аҭаара зҭахыу зегьы алшара рымоуп ажьырныҳәа 8 рҟынӡа, ажьырныҳәа 4 аҽны ада.
Адәыӷба Тҟәаԥсынтәи амҩа иқәлоит 05:30 рзы, Шәача иааҭгылоит 07:48 рзы 17 минуҭ. Гагра иҟалоит 11:35 рзы.
Гагрантәи адәыӷба игьежьны амҩа иқәлоит 18:50 рзы, Шәача иаанҿасоит 22:25 рзы 5 минуҭк. Анаҩс Тҟәаԥс иҟалоит 00:35 рзы.
Уи адагьы, адәыӷба ажьырныҳәа 3 рзы ахырхарҭа аркьаҿуеит Гагрантәи Шәачанӡа. Иара убас ажьырныҳәа 5 рзы амҩа иқәлоит Шәачантәи Гаграҟа.
Атуристтә дәыӷба "Сочи" амаршрут Тҟәаԥс - Шәача - Гагра 2020 шықәса нанҳәамза аахыс иныҟәоит.Уи авагонқәа асовет аамҭаан ишыҟаз еиԥшны иҟаҵоуп, убри аан иахьатәи аамҭа аҭахрақәагьы ирықәшәоит. Авагон-ақьафурҭаҿы ауаа ирыдыргалоит аурыси аԥсуеи чысқәа.