АҞӘА, рашәара 30 - Sputnik. Атуристтә дәыӷба "Шәача" ԥхынгәы 1 инаркны Шәачантәи Гаграҟа ианаауа аҽа аангыларак ҟанаҵоит астанциа "Имеретинский курорт" аҿы ҳәа аанацҳауеит Аҩада-Кавказтәи аихамҩа апресс-маҵзура.
"Ари иалнаршоит ақалақь-курорт асасцәа Аԥсныҟа ианаауа, аҳәаа ианахысуа адәыӷба иҭымҵкәа рныҟәара иацырҵарц", - аҳәоит адырраҭараҿы.
Иара убасгьы ԥхынгәымза инаркны адәыӷба Гаграҟа ааиреи ақәҵреи раамҭа ԥсаххоит.
Ԥхынгәымза 1 инаркны жьҭаара 10 аҟынӡа адәыӷба Гагратәи астанциахь иааилоит асааҭ 11:35 рзы, Гагрантәи иқәҵлоит асааҭ 18:50 рзы.
Аԥсахра иаҵанакуеит агылараамҭагьы: Шәача 15 минуҭ еиҵаны игылоит, Адлер 5 минуҭк еиҳаны игылоит.
Аретро-дәыӷба "Шәача" Аԥсныҟа иаауеит 2020 шықәса нанҳәамза аахыс. Ареисқәа ирыцнаҵеит аӡын аамҭазгьы. Адәыӷба асовет аамҭа астилистика ала ишеиҿкааугьы, ҳаамҭа аҭахрақәа ирықәшәоит. Аресторан амениу шьақәгылоуп аурыси аԥсуеи чысхкқәа рыла.
