АҞӘА, ԥхынҷкәын 21- Sputnik. Афымцеихшарҭа "Аҟәа-2" атрансформатор ҿыц ақәыргылара аамҭазы аусура аанкылоуп. Абри атәы аанацҳауеит "Амшынеиқәафымцамч".
Афымцеихшарҭа "Аҟәа-2" аҟны атрансформатор ҿыц ақәыргылара иаҿуп, уи иалнаршоит Аҳабла ҿыц, Ачадара, Алашарбага рраионқәа рабонентцәа афымца еиԥҟьарада рыҭара.
Ԥхынҷкәын 21 рзы Аԥсны аамҭа-аамҭала афымца арцәара аамҭеихшара аԥыхын, ақәыӷәӷәара ахьыҟоу ацәаҳәақәа рыда.
Иазгәаҭоуп, Урыстәылантәи Аԥсныҟа афымцалашара аашьҭхоит хәажәкыра 31 2022 шықәсанӡа. Уи иалнаршоит афымца арцәара аамҭеихшара аԥыхра.
"Амшынеиқәафымцамч" аҟны иазгәарҭеит, афымцацәаҳәақәа "Шьешьелеҭ-1", "Шьешьелеҭ-2" афымца роуеит ЕгрыГЕС-и ГЕС-1-и аҟынтәи.