АҞӘА, ԥхынҷкәын 23- Sputnik. Аԥсны араионқәа зегьы рҟны иаарту алаҵаҟаҵаратә ҭыԥқәа ашықәсҿыцазтәи аныҳәамшқәа рзы аус рулоит, абри атәы аанацҳауеит агәабзиарахьчара аминистрра.
Алаҵаҟаҵара ҟалоит ажьырныҳәа 4, 5, 6, 10, 11, 12 рзы.
COVID-19 азы атестқәа аҭара ҟалоит ажьырныҳәа 3-6 рзы (ажьырныҳәа 7-8- ԥсшьарамшуп), иара убас ажьырныҳәа 9 инаркны 13-нӡа (ажьырныҳәа 14-15 ԥсшьарамшуп).
Абҵара 18 инаркны ԥхынҷкәын 22-нӡа COVID-19 аҟынтәи "Спутник V" алаҵа ҟарҵахьеит 2451-ҩык Аԥсны ауааԥсыра.
Иааидкыланы Аԥсны алаҵа ҟарҵахьеит 14 378-ҩык.