АҞӘА, ажьырныҳәа 18 - Sputnik. Аԥсны акоронавирус аҟынтә алаҵа ҟарҵахьеит 15 721-ҩык ҳәа аанацҳауеит агәабзиарахьчара аминистрра.
Ԥхынҷкәын 30 инаркны ажьырныҳәа 16 рҟынӡа акоронавирустә инфекциаҟынтәи "Спутник Лайт" 925-ҩык иҟарҵахьеит. Зынӡа апандемиа ҵысижьҭеи "Спутник Лайт" 6354-ҩык иҟарҵахьеит.
2021 шықәса абҵара 18 инаркны 2022 шықәса ажьырныҳәа 16 рҟынӡа "Спутник V" 2867-ҩык иҟарҵахьеит.
"Спутник Лайт" 1500 доза ареспубликахь еиҭааган ԥхынҷкәын 29 рзы. Алаҵаҟаҵарақәа мҩаԥысуан аныҳәамшқәа раангьы.
Уаанӡа, абҵара 16 рзы Аԥсныҟа иаарышьҭхьан 6000 доза "Спутник V". Алаҵа аахәан ареспубликатә биуџьет аԥарақәа рыла.