АҞӘА, ажьырныҳәа 20 - Sputnik. Аҳауатә цәаҳәа "Калдахәара" еиҭашьақәыргыланы ауааԥсыра алашара рзоужьуп ҳәа аанацҳауеит "Амшынеиқәафымцамч".
Аремонт амҩаԥгараан иалагалаз аԥкырақәа аԥыхуп ҳәа аҳәоит адырраҿы.
Аремонттә бригада ацәаҳәа ахьыԥҵәаз ԥшааны аремонт иалагеит аԥшьаша ашьыжьымҭан.
Авариа ҟалеит ахаша, ажьырныҳәа 19 азы. Лашарада иаанхеит араион ахәҭак. Аҭагылазаашьа иахырҟьаны астанциа маҷқәа авариатә схемала алашара аурышьҭуан, хԥа-хԥа сааҭла еиҭакуа, нас ҩба-ҩба сааҭла еиҭакуа.