АҞӘА, ԥхынҷкәын 21 - Sputnik. Аԥсны омикрон-штамм захьыз ҳәа аӡәгьы ашәҟәы иҭагалаӡам, абри азы аҳәамҭа ҟалҵеит Аԥсны асанитар ҳақьым хада Лиудмила Скорик аԥыза-министр Александр Анқәаби лареи реиԥылараҿы, ахәаша ажьырныҳәа 21 рзы.
Ҳтәылаҿы иахьазы омикрон зыхьхьоу ҳәа аӡәгьы дшьақәырӷәӷәам, ҳәа Анқәаб иалҳәеит Скорик.
Аԥсны асанитар ҳақьым хада аепидҭагылазаашьа уадаҩуп, аха иҭышәынтәалоуп ҳәа ахылҳәааит. Лара ажәалагала ҟалҵеит ауаажәларратә крыфарҭақәеи, акультуратәи аспорттәи рхыбрақәа рганахьала иалагалоу аԥкрақәа маҷк ирԥсыҽзарц.
Абиуџьеттә усбарҭақәа русзуҩцәа, алаҵаҟаҵара иахымсыз рганахьала аԥкрақәа алагалазар ахәҭоуп ҳәа лыԥхьаӡоит Скорик.
Аԥсны акоронавирус аҟынтә алаҵа ҟарҵахьеит жәафнызқьҩык инареиҳаны, аҿкчымазара зыхьхьоу ауаа рхыԥхьаӡара 40 нызқьҩык рҟынӡа инаӡоит.