АҞӘА, ажьырныҳәа 24 – Sputnik, Бадраҟ Аҩӡба. Раԥхьатәи жәларбжьаратәи ирццаку (рапид) ашахматтә турнир "Аԥсны. Тамшь-Village 2022" мҩаԥысуан ажьырныҳәа 22- 23 азы Тамшь ақыҭан. Аиааира згаз иранашьан ахраҿақәа, амедалқәа, аҳаҭыртә шәҟәқәа.
"Ҩымш ицоз атурнир Аԥсны ахьынӡанаӡааӡоз аинтерес аман, Аԥсуа телехәаԥшра, "Абаза-ТВ", Sputnik Аԥсны рҟынтәи аинформациатә дгылара аман. Аинформациа Аԥсны зегьы иаларҵәан, иара убасгьы Урыстәылантә ахҳәаақәа аиуит", - ҳәа иҳәоит ашахмат азы Аԥсны Афедерациа ахада Константин Ҭыжәба.
Алахәылацәа, атурнир ацхырааҩцәа зегь ҭабуп ҳәа раҳәо, иқәгылара ашьҭахь Ҭыжәба "Аԥсны. Тамшь-Village 2022" аиааиҩцәа аԥхьахәқәа рыҭарахь диасит.
Аашықәса рҟынӡа зхыҵуаз ашахматасыҩцәа рҟынтә актәи аҭыԥ игеит Стилиан Мықәба, жәашықәса зхыҵуа рыбжьара ахԥатәи аҭыԥ никылеит Руслан Мықәба, аҩбатәи - Георги Павлов, актәи - Даниил Неценко.
Аветеранцәа рыбжьара ахәбатәи аҭыԥ никылеит Константин Ҭыжәба, аԥшьбатәи - Иури Емилиашин (Шәача), ахԥатәи - Виктор Мажников (Урыстәыла), аҩбатәи - Сергеи Миносиан (Очамчыра), актәи - Борис Наҟоԥиа.
Аҳәса рыбжьара ахԥатәи аҭыԥ анылкылеит - Нина Сироткина, аҩбатәи – Маиа Порожниак, актәи - Анна Афанасьева, рыхҩыкгьы "Абхазия. Тамыш-Village 2022" алахәхаразы Урыстәылантәи иааит.
Аҳәса рыбжьара ахԥатәи аҭыԥ аанылкылеит Нина Сироткина, аҩбатәи – Маиа Порожниак, актәи - Анна Афанасиева, рыхҩыкгьы "Аԥсны. Тамшь-Village 2022" алахәхаразы Урыстәылантәи иааит.
Ашколхәыҷқәа рыбжьара ахәбатәи аҭыԥ ааникылеит Аинар Хәырхәмал, аԥшьбатәи – Алексеи Ладыченко, ахԥатәи Сарида Лакәатаа, аҩбатәи – Тристан Кәарацхьелиа, актәи - Осман Пшахов.
Агроссмеистерцәа рыбжьара актәи аҭыԥ игеит Павел Смирнов, аҩбатәи - Миран Оганиан, ахԥатәи - Савели Голубев, аԥшьбатәи - Давид Закариан, ахәбатәи - Максим Луговскои. Зегьы урыстәылаа роуп.
Аԥхьахәанашьара ацеремониа хыркәшо, Константин Ҭыжәба иҳәеит ҽааны ишыҟало аԥхьахәқәа 12, ишацҵахо аԥхьахәтә фонд. Сынтәа уи 500 000 мааҭ ыҟан.
Аицлабра "Аԥсны.Тамшь-Village 2022" мҩаԥыргеит аспорт азы Аԥсны Аҳәынҭеилакыи Аԥсны ашахмат азы Афедерациеи Аԥсны аҵареи абызшәатә политикеи рминистрра ацхыраара ала. Афинанстә цхыраара ҟарҵеит "Универсал банк", "А-мобаил", Гәылрыԥшьи Очамчыреи араионқәа рхадарақәа. Аинформациатә дгылара - Sputnik Аԥсны.