АҞӘА, жәабран 3 – Sputnik. Афымцамч ахархәара акыр иахьацлази Џьуратәи аӡеизакырҭаҿы аӡы аҩаӡара ахьылаҟәуи роуп астанциа аусура ашәарҭара иҭазыргыло ҳәа рҳәеит АУН "Амшынеиқәафымуамч" апресс-маҵзураҿы.
Аенергетикцәа ирҳәеит ЕгрыГЕС аҟынтә аиԥш Аԥсны лашарала Урыстәылантәгьы ишеиқәыршәо. Уажәазы астанциа Аԥсны мрагыларатәи араионқәа роуп алашара знаҭо.
Убри аан иазгәаҭан, Аԥсны аиҳабыра ирылшо зегь шыҟарҵо алашараз аиԥҟьарақәа ҟамларц азы.
Жәабран 3 азтәи арбагақәа рыла Џьуартәи аӡеизакырҭаҿы аӡы аҩаӡара 415, 50 метра иҟоуп, ишәарҭан ишьоуп– 425 метра ҳәа иҳәеит уаанӡа ГЕС адиректор хада Леван Мебониа.
Џьуартәи аӡеизакырҭа алшарақәа нҵәеит, аҭагылазаашьа аҽамԥсахыр ЕгрыГЕС иааиԥмырҟьаӡакәа аус зауам ҳәа азгәеиҭеит иара.