Аҳақьым "омикрон" аҩны ушыҟоу ишыхәышәтәтәу далацәажәеит

Акоронавирус омикрон-штамм, ма B.1.1.529, Ботсванеи Аладатәи Африкеи иазгәарҭеит абҵарамзазы.
Sputnik
АҞӘА, жәабран 17 - Sputnik. Аҳақьым, ателемҩаԥгаҩы Евгени Комаровски "омикрон" аҩны ушыҟоу ишырхәышәтәуа далацәажәеит.
Иара иҳәеит аҩны ухы ишааҭашәалак антибиотикқәеи егьырҭ ахәшәқәеи рыдкылара ҟалом ҳәа.
Урыстәыла агәабзиарахьчара аминистрра ақәшаҳаҭхеит COVID-19 азы алаҵа ҿыц аҭҵаара
"Иҟаҵатәузеи? Раԥхьа иргыланы уааҟәымҵзакәа ушьҭазар аҭахым, аха уааԥсо ма ушьшьылаҳауа уҟазар, унықәиар алшоит. Аха шәхы ԥсыҽны ишәымбозар, зегь иреиӷьу аныҟәароуп, анеиааироуп", - ҳәа иҳәоит аҳақьым YouTube-канале аҿтәи иролик аҿы.
Иара иажәақәа рыла, аԥсыԥлагаҩагаратә система еиҳа еиӷьны аус ауеит уҽыриашаны уангылоу.
"Акрыфара шәҭахымзар, ишәымфан. Ишәҭахызар - бааӡатәык шәфа, иласу акы", - ҳәа иҳәеит иара.
Убри аан аӡыжәра аҭахуп. Иагьмаҷымкәа. Ишәҭаху ишәҭахыму шәамыхәаԥшкәа. Аӡы ашьа анырра анаҭоит. Комаровски иажәақәа рыла, еиҳа еиӷьны ишьоуп уцәеижь аԥхарра иақәшәо аԥхарра змоу арыжәтәқәа ужәуазар.

"Аҳауа цқьазароуп. Ауада аԥша ҩнарслатәуп. 20 градус еиҳамзар бзиоуп. Иара убасгьы ауадаҿ аҳауацәаакыра иахылаԥшлатәуп", - ҳәа иҳәеит иара.

Комаровски иажәақәа рыла, ацәаакыра 40-60% рҟынӡа иҟазароуп.
Омикрон-штамм 142 тәыла рҿы иазгәаҭоуп Урыстәылеи Аԥсни налаҵаны.