АҞӘА, жәабран 22 - Sputnik. НАТО амаӡаныҟәгаҩ хада Иенс Столтенберг Урыстәыла ДЖәРи ЛЖәРи рхьыԥшымра ахьазханаҵаз дақәыӡбоит ҳәа аҩуеит РИА Новости.
"Сара сақәыӡбоит Урыстәыла Донецки Лугански ахьазханаҵаз. Ари аимак аҭышәныртәалара шьақәнаҟьоит Минсктәи аиқәшаҳаҭрақәа еиланагоит. НАТО Украина асуверенитети аҵакыратә акзаареи азханаҵоит. Москва ааԥхьара аҳҭоит аимак амцацраҵара иаҟәыҵны адипломатиа амҩа алнахырц", - ҳәа иҩуеит иара Twitter аҿы.
Владимир Путин ашәахьа, Ашәарҭадаратә хеилак аилатәара ашьҭахь Урыстәыла атәылауаа рахь аҳәамҭа ҟаҵо иазгәеиҭеит аамҭа мгакәа Донецки Лугански жәлар рреспубликақәа рсуверинитет азхаҵара ада ԥсыхәа ыҟамкәа ишибо, избанзар ашьакаҭәареи, ацәгьоуреи, азакәан мап ацәкреи рымҩа ылызхыз аибашьратә мҩада аҽа мҩак рымбо иахьыҟалаз азы. Урыстәыла ахада Владимир Путин абри ашьҭахь инапы аҵаҩит Донецки Лугански жәлар рреспубликақәа рхьыԥшымра азхаҵаразы Аусԥҟа.