АҞӘА, жәабран 25 - Sputnik. Украина азхиоуп анеитралтә статус алацәажәара ҳәа аарыцҳауеит Украинатәи АИХқәа.
"Украина азхиоуп анеитралтә статус азы Урыстәылеи дареи реиҿцәажәара, аха иара ашәарҭадаразы ахәдықәҵарақәа ирзыԥшуп ҳәа ааицҳауеит Украина ахада иофис аиҳабы иабжьгаҩ Михаил Подолиак", - ҳәа аҩуеит аинформмаҵзура УНИАН Telegram-канал аҿы.
Уаанӡа Зеленски аҳәамҭа ҟаиҵахьан, иара дшацәымшәо иарбан зҵааразаалак азын Москва рацәажәара, аблок анҭыҵтәи астатусгьы абрахь иналаҵаны.
Аԥшьаша ашьыжь Урыстәыла ахада Владимир Путин ателехәаԥшрала алаҳәара ҟаиҵеит Донбасс арратә операциа ҷыда ишалаго азы. "Аҭагылазаашьа хырԥашьа змам, заамҭа гатәым ахымҩаԥгашьа ҳаднаҵоит. Донбасс жәлар рреспубликақәа Урыстәылахь ацхыраара иаҳәеит" иҳәеит иара.
Урыстәыла атәылахьчара аминистрра аҟны ирҳәеит, аҭынч уааԥсыра ишрыламкьысуа атәы. Иазгәарҭеит, аруаа русура шеиԥдырҟьо, арратә инфраструктура, аҳаиртә хыхьчара хархәагақәа, арратә ҳаирбаӷәазақәа шракәу ааха зырҭо.