АҞӘА, жәабран 28 - Sputnik. Украинатәи амчрақәа рыруаа, адгьылбжьаха Змеиныи аҟны игылаз рыԥсы ҭоуп, аурыс ир инкылан ирымоуп ҳәа аанацҳауеит Украина АММ Facebook аҿы.
Украина ахада Владимир Зеленски уаанӡа украинатәи аррамшынуааи аҳәаахьчаҩцәеи ҭахеит ҳәа рылеиҳәеит, "ианҭаха ашьҭахь" аҳәынҭқарратә ҳамҭақәагьы риҭеит.
Урыстәыла Атәылахьчара аминистрра уаанӡа адырра ҟанаҵеит агарнизон аҿы иҟаз 82 украинатәи аруаа хатәгәаԥхарала рыҽшрырҭаз.
Украинатәи АММ аҿы ирҳәеит адгьылбжьахеи дареи реимадара шеиԥҟьаз. "Ҳаигәырӷьоит ҳаруаа рыԥсы ахьҭоу", - ҳәа азгәаҭоуп адырраҭараҿы.
Змеиныи — Амшын еиқәаҿтәи рацәак идуум дгьылбжьахоуп, Одессатәи аобласт иаҵанакуеит, арратә операциа ианалага аԥхьатәи амш азы Урыстәыла анапахьы иааган.