АҞӘА, хәажәкыра 3 - Sputnik. Аҳәынҭқарратә Дума аиҳабы Виачеслав Володин аҳәамҭа ҟаиҵеит Урыстәыла арратә операциа ҷыда иаламгазҭгьы НАТО ахатә операциа иалагон ҳәа аҩуеит РИА новости аканал "Россия 24" аҟны аполитик иқәгылара ааго.
"Урыстәыла Украина арратә операциа ҷыда иаламгазҭгьы НАТО ахатә операциа иалагон бандераа, анеонацистцәа рнапала. Ҳара ҳахьӡеит уи алагьы зқьҩыла рыԥсҭазаарақәа еиқәҳархеит", - иҳәеит Володин ателеканал "Россия 24" аефир аҿы.
Аҳәынҭқарратә Дума аиҳабы иҳәеит НАТО Украина бџьарла иахьеиқәнаршәоз шакәу урыстәылатәи анапхгара аоперациа ҷыда иалазыргаз.
Жәабран 24 азы Донбасс арратә аоперациа ҷыда иалаган. Урыстәыла изныкымкәа аҳәамҭа ҟанаҵахьан аҭагылазаашьа хырԥашьа змам акәны иҟоуп, Донбасс жәлар рреспубликақәа ацхыраара рыҭатәуп ҳәа. Иазгәеиҭеит, Урыстәыла Украина ақәлара акәымкәа абџьархыхра шакәу хықәкыс иамоу.
Урыстәылатәи аруаа Украина 1612 арратә ҵакырақәа ршьаҟьахьеит, рнапахьы иааргахьеит аиланхарҭа ҭыԥқәа жәпакы ҳәа аанацҳауеит Атәылахьчара аминистрра.