АҞәА, хәажәкыра 12 – Sputnik. ЕАА рҿы иҟоу Урыстәыла ацҳаражәҳәаҩ Анатоли Антонов Урыстәыла Украина ахимиатә бџьар ахархәара алшоит ҳәа Вашингтон иҟарҵо аҳәамҭа иаанаго Урыстәыла ахьӡ арцәгьароуп иаанаго иҳәеит. Абри атәы аанацҳауеит РИА Новости.
"Ари баша цәажәароуп. Америкатәи ачынуаҩ, еснагь еиԥш, ҵаҵӷәык даламцәажәеит. Ииҳәаз иаанагогьы еснагь еиԥш Урыстәыла ахьӡ арцәгьароуп", - ҳәа азгәеиҭеит иара.
Уаанӡа Урыстәыла атәылахьчара аминистрра адырра ҟанаҵахьан украинатәи амилаҭеилыхцәа ззин ыҟам амаҭәашьарқәа рхы иадырхәар ҟалоит ҳәа. Урыстәыла атәылахьчара аминистрра ахаҭарнак аинрал-маиор Игор Конашенков иҳәахьан ари аус азы Урыстәыла ахара адлартә амҩаԥгара рыгәҭакуп ҳәа.
Ахимиатә бџьар ақәиҭымтәразы аиҿкаара (ОЗХО) иҟоу Урыстәыла ахаҭарнак Александр Шульгин иҳәеит Москва аиҿкаара атехникатә маӡаныҟәгарҭахь уи азы адокументқәа нанашьҭуеит ҳәа.