АҞӘА, хәажәкыра 13 – Sputnik. Урыстәыла ахада Владимир Путин Франциа ахада Еммануель Макрони Германиа аканцлер Олаф Шольци ҭелла данрацәажәоз мраҭашәаратәи аполитикцәа ааԥхьара риҭеит украинатәи арежим анырра азыҟарҵарц ҳәа аанацҳауеит Кремль апресс-маҵзура.
Урыстәыла ахада иҳәеит Украина анационалисттә баталионқәа ауааԥсыра реиқәырхаразы аоперациақәа шеиԥырҟьо, аҭынч уааԥсыра шдыршәо.
Иара убасгьы украинатәи амчрақәа рганахьала агуманитартә зин анормақәа шеиларго азы афактқәа ааигеит: аибашьыга техника аиланхарҭақәа, ахәшәтәырҭақәа, ахәыҷбаҳчақәа рҟны ишдыргыло.
Владимир Путин Урыстәылеи Украинеи рхаҭарнакцәа онлаин-еиҿцәажәарақәа шымҩаԥырго иҳәеит. Атәылақәа хԥа рхадацәа Урыстәыла Украина ахь адҵақәа рынагӡара азҵаарақәа ирылацәажәеит.
Шольци Макрони урыстәылатәи ахада ахымца аанкыланы аимак адипломатиатә еилыргара аиҭарц рҳәеит. Сааҭки бжаки ицоз анаҩстәи аицәажәара зызкыз дмырзеит.
Аполитикцәа ԥхьаҟагьы украинатәи апроблематика аӡбаразы еинырларц еибырҳәеит.