АҞӘА, хәажәкыра 16 - Sputnik. Урыстәыла Украина имҩаԥнаго арратә операциа ҷыда ауснагӡа ишарбо ала имҩаԥысуеит ҳәа аҳәамҭа ҟаиҵеит Урыстәыла ахада Владимир Путин ахаша, хәажәкыра 16 азы.
"Аоперациа ҷыда маншәаланы имҩаԥысуеит, уаанӡа ишьақәырӷәӷәаз ауснагӡа инақәыршәаны", - иҳәеит Путин.
Жәабран 24 азы донбасстәи ареспубликақәа иҟарҵаз аҳәарала Украина абџьархыхразы Урыстәыла арратә операциа ҷыда иалагеит. Урыстәылатәи Арбџьармчқәа икылкааны иқәыргоит арратә хыбрақәа, аҭынчуааԥсыреи аграждантә инфраструктуреи ԥырхага рымҭакуа. Арратә операциа иаалагазар хымчыбжь рыла иҭархоуп украинатәи аҳаирпланқәа 111, авертолиотқәа 68, аԥырҩы дызҭам ахархәагақәа 160, азенит ракетатә комплексқәа 159, 1353 танки акәылӡтәы машьынақәеи, , 129 ареактивтә система, 493 артиллериатә шьақәгылеи аминаршәгақәеи, 1096 ак аибашьыгатә автомобилтә техника.