АҞӘА, хәажәкыра 20 - Sputnik. Урыстәыла Арбџьармчқәа икылкааны иақәзыршәо аракетақәа рыла иеихсит Житомир иҟоу Украина қьырала еибашьуа аҳәаанырцәтә тәылауаа ахьыҟаз ацентр, адырра ҟанаҵоит Урыстәылатәи Афедерациа атәылахьчара аминистрра.
"Икылкааны иақәзыршәо аҳаиртә ракетақәа рыла иеихсын Украина қьырала еибашьуа аҳәаанырцәуаа ахьыҟаз украинатәи иҷыдоу аоперациақәа ирызку арбџьармчқәа разыҟаҵара ацентр, Житомиртәи аобласт аиланхарҭа Овруч аҿы", - ҳәа азгәеиҭеит Урыстәыла атәылахьчара аминистрра аофициалтә хаҭарнак Игорь Конашенков.
Аихсра иалҵшәаны иқәхын 100-ҩык инареиҳаны украинатәи иҷыдоу аоперациақәа ирызку аруааи егьырҭ аҳәаанырцәтә еибашьцәеи.
Амҽыша, Урыстәыла Украина арратә операциа ҷыда мҩаԥнагоижьҭеи 25 мшуп. Ари аамҭа иалагӡаны иқәхуп 4 нызқь инареиҳаны арратә инфраструктура аобиектқәа, шәкыла арратә техника, атанкқәа, авертолиотқәа, аԥырҩы дызҭам аппаратқәа, акәылӡтәы машьынақәа убрахь иалаҵаны. Рнапахьы иааргеит Чернобыльтәи Запорожиетәи атомтә фымцастанциақәа, уаанӡа иракны иҟаз Аҩада-Ҟрымтәи аканал ала Ҟрымҟа аӡы дәықәҵоуп.
Иара убас Урыстәыла Арбџьармчқәа ирылшеит рнапахьы аагара ақалақь дуқәеи аобласттә центрқәеи - Херсон, Мелитополь, Бердианск. ДЖәР аруааи дареи еицхырааны Мариуполь акәшара иаҿуп, ЛЖәР аруаа дареи - Северодонецк.
Аурыс ар ажәыларақәа ирыбзоураны Украина Азовтәи амшын ахь изымнеиуа иҟаҵоуп, Киев, Сумы, Чернигов џьара-џьара хәҭакахьала, џьара-џьара иахьабалак рнапахьы иааргахьеит, аибашьра иаҿуп Николаев иахьаҵанакуа.
Урыстәыла аиҳабыра иазгәарҭоит Украина ампыҵахалара ргәы ишҭам, аоперациа ҷыда хықәкыс иамоуп Украина абџьарахыхреи амилаҭеилыхра аанкылареи.