АҞӘА, хәажәкыра 23 – Sputnik, Асмаҭ Ҵәыџьԥҳа. Акультура-гәыҳалалратә фонд "Ашана" Мариа Кесиани Валериа Џьынџьалԥҳаи рзы аԥареизгара хацнаркит.
Акыршықәса ҵуеит арҭ аӡӷабцәа аус рыдылуылоижьҭеи Еревантәи ахәыҷтәы агәабзиарашьақәыргыларатә центр атерапист Армине Чопуриан.
Уаанӡа зхала ашьапеихгара иацәшәоз Лера уажәы лшәара калыршәит. Ашкол ахь дныҟәоит. Илҭахуп дгеографхарц, дныҟәаларц. Англыз бызшәеи агитараҿ ахәмарра лҵоит, иара убасгьы амультфильмқәа абжьырхаҵара бзиа илбоит. Чопуриан лажәақәа рыла хықәкыс илымоуп Лера цхыраагӡада дныҟәо алыршара. Уи аамҭа заҟа аҭаху макьаназ еилкаам.
Мариеи атераписти ҩышықәсоуп аус еицыруеижьҭеи. Аԥхьа аӡӷаб лхала дызтәомызт, дызныҟәомызт.
"Сара исхықәку лыԥышьмахак рыла акәзаргьы лхала дныҟәо аҟаҵара", -лҳәеит лара.
Чопуриан шықәсык ахь хынтә Аԥсныҟа даауеит, "Бобат терапии" аметод ала аус луеит. Аметод принцип хадас иамоуп ацәеижьхәҭақәа ҷыдалатәи рынеиҭагааиҭагара.
Ахәшәтәра акурс – 179 776 мааҭ итәоит.
Мариа Кесиани Валериа Џьынџьалԥҳаи ацхыраара рыҭашьа жәдырыр алшоит Афонд аофициалтә саит аҿы.