АҞӘА, хәажәкыра 23 - Sputnik. Урыстәыла Арбџьармчқәа – аоператив-тактикатәии арратәи авиациеи ииасыз уахыки-ҽнаки рыла Украина арратә ргыларақәа 100 ҭадырхеит ҳәа аанацҳауеит РИА Новости Атәылахьчара аминистрра ахаҭарнак ҷыда Игор Конашенков иажәақәа шьаҭас иҟаҵаны.
"Урыстәылатәи аҳауаҽацәыхьчаратә шьақәгылақәа - ПВО уахыки-ҽнаки рыҩнуҵҟа икарыжьит: украинатәи Су-24, аԥырҩы дызҭам аппаратқәа 16, "Байрактар ТБ-2" хԥа налаҵаны аиланхарҭатә ҭыԥқәа Рожин, Карашев, Максим Горьки иахьрыҵаркуа", - иҳәеит Конашенков.
Иара убасгьы иҭархоуп атактикатә ракетатә комплекс "Точка-У" аиҵаҵагеи аҭырҟьагеи – Киев аҩадатәи ахәҭаҿы, ЗРК "Бук-М1" фба, С-300, амашьына ЗРК "Оса", адҵаҟаҵаратә ҭыԥқәа жәаба, артиллериатә шьақәгылақәа ааба, НАТО атәылақәа рҿы иҭыжьу артиллериатә ԥшыхәра астанциақәа хԥа.
Уи адагьы аинрал-маиор иҳәеит уи аԥхьа Урыстәыла ахарахысраз алшара змоу абџьар ҷыдала Ровно амҵан Мраҭашәарантәи иаашьҭу украинатәи ар рабџьари рырратә техникеи аџьаԥҳанышьҭаҵарҭеи шҭадырхаз.
Иара убасгьы аверталиотқәа Ка-52, Ми-28, атанкқәа ааба, БМПқәеи БТРқәеи хәба, автомашьынақәа жәба, адотқәа хԥа, артиллериеи аминаршәгақәеи быжьба.
Уажәтәи аамҭазы урыстәылатәи арҟәшақәа УАМ хаз иго 54-тәи абригада иаҿагыланы Новомихаиловка азы аибашьра иаҿуп ҳәа иҳәеит аинрал-маиор. Украинатәи ар изныкымкәа ари ақыҭа аҟынтәи ДЖәР аиланхарҭатә ҭыԥқәа ирылахысхьан.