АҞӘА, хәажәкыра 24 - Sputnik. Уахыки-ҽнаки рыла Аԥсны ауааԥсыра COVID -19 азы атестқәа арҭеит 123-ҩык, урҭ рахьтә 31-ҩык аҿкчымазара шрымаз аадырԥшит ҳәа аанацҳауеит ауааԥсыра акоронавирус рацәыхьчаразы аоперативтә штаб.
Гәдоуҭатәи араионтә хәшәтәырҭа хадаҿы ҩыџьа рыԥсҭазаара иалҵит, 85 шықәса зхыҵуаз аԥҳәыси ахаҵеи.
Ари аамҭазы Гәдоуҭатәи араионтә хәшәтәырҭа хадаҿы ишьҭоуп 25-ҩык, рҭагылазаашьа бааԥсуп хәҩык, ибжьаратәуп 20-ҩык. Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 13-ҩык, урҭ рахьтә ԥшьҩык рҭагылазаашьа уадаҩуп. Очамчыра ирхәшәтәуеит фҩык, Гагратәи ахәшәтәырҭаҿы - ԥшьҩык, Тҟәарчалтәи ахәшәтәырҭаҿы хәҩык ачымазцәа шьҭоуп.