АҞӘА, хәажәкыра 25 - Sputnik. Аԥсны Адәныҟатәи аусқәа рминистр Инал Арӡынба диԥылеит Урыстәыла ахада иабжьгаҩ Руслан Едельгериев, абри атәы аанацҳауеит Аԥсны ААП апресс-маҵзура.
Аганқәа рылацәажәеит Еиду амилаҭқәа реиҿкаара аҿиарамҩа иазку Афорум Аԥсны аиҿкаареи амҩаԥгареи рызҵаара иалацәажәеит.
Аиԥылара аҳәаақәа ирҭагӡаны иазгәаҭан Аԥсны, жәларбжьаратәи аилазаара излахәҭаку ала, Еиду амилаҭқәа реиҿкаара актуалтә амш усхәаԥштә иалазар ауп ҳәа.
Иара убас ачынуаа егьырҭ азҵаарақәа ирылацәажәеит, иаҳҳәозар, ақыҭанхамҩеи аекономика "иаҵәеи" рыҿиара тема хадас измоу ҳреспублика жәларбжьаратәи афорумқәеи аилацәажәарақәеи рылахәхара азҵаара.
Аԥсны адәныҟаполитикатә усбарҭа аиҳабы ԥыхьатәи Москваҟа ицараан жәабранмза алагамҭазы аиԥыларақәа рҿы иалацәажәеит ЕАР Аҿиара ахықәкқәа рфорум ааԥынразы Аԥсны амҩаԥгара азҵаара. Иара убас Инал Арӡынба ЕАР Амаӡаныҟәгаҩ хада Антониу Гутерриш ихьӡала ашәҟәы ишьҭит, Аԥсны Аҳәынҭқарра ЕАР аҿы аҳәынҭқарра-наԥшҩы астатус аиҭарц ааԥхьара ҟаҵо.