АҞӘА, хәажәкыра 25 - Sputnik. Аԥсны ахада Аслан Бжьаниеи Урыстәыла Адәныҟатәи аусқәа рминистр Сергеи Лаврови реиԥылараан Лавров иҳәеит Аԥсни, ДЖәРи, ЛЖәРи реинырра ишацхраало.
"Аԥсны Донецктәи жәлар Рреспубликеи Лугансктәи жәлар Рреспубликеи рхьыԥшымра ахьазханаҵаз ахә ҳшьеит, Аԥсни, ДЖәРи, ЛЖәРи реинырра аҿиара ҳацхраалоит. Сгәанала, ари азеиԥш геополитикатә ҵакыраҿы аҭагылазаашьа аҭышәынтәалара иацхраауеит", - иҳәеит Лавров.
Уи адагьы, иара иазгәеиҭеит Урыстәыла ишамоу алшара Аԥсны адунеитә еилазаараҿы азакәантә ҭыԥ аанкылараҿ ацхыраара аҭаразы.
Аԥсны ахада Аслан Бжьаниа усутә ныҟәарыла Москва дыҟоуп. Хәажәкыра 25 рзы иара диԥылеит Урыстәыла аиҳабыра рхада ихаҭыԥуаҩ Александр Новак.