АҞӘА, хәажәкыра 25 - Sputnik. Урыстәыла атәылахьчара аминистрра аҳәамҭа ҟанаҵеит, Украина имҩаԥырго арратә операциа ҷыда мҩаԥыслоит урыстәылатәи ахада рҿаԥхьа иқәиргылаз адҵақәа нарыгӡаанӡа ҳәа аҩуеит РИА Новости Урыстәыла Арратә мчрақәа рыштаб хада аиҳабы ихаҭыԥуаҩ, аинрал-полковник Сергеи Рудскои иажәақәа шьаҭас иганы.
Аусбарҭа ахаҭарнак иажәақәа рыла, арратә аоперациа ҷыда актәи аетап ахықәкы нагӡоуп.
"Иааидкыланы арратә операциа ҷыда ихадаратәу ахықәкқәа нагӡоуп. Украина Арбџьармчқәа рылшарақәа ркәадоуп, уи иалнаршоит, аоперациа ҷыда ахықәкы хада анагӡара - Донбасс ахақәиҭтәра", - иҳәеит Рудскои.
Украина абџьархыхразы аоперациа цоижьҭеит мызкы иалагӡаны иҭархоуп ихадаратәыз 16 аеродром, абџьари аџьаԥҳани рыҵәахырҭақәа 39, уаҟа 70% рҟынӡа арратә техника иргыларҭан, аџьыԥҳани, абылтәи ҵәахын, иара убас иҭархоуп украинатәи атанкқәеи акәылӡы машьынақәеи.
Украина аоперациа ҷыда цонаҵы иҭахеит урыстәылатәи аруаа 1351, еиуеиԥшым ахәрақәа роуит 3825.
Урыстәыла Украина абџьархыхразы арратә операциа иалагеит жәабран 24 рзы. Уи атәы рылаҳәо Урыстәылатәи Арбџьармчқәа Рхада Владимир Путин иҳәеит, аоперациа ахықәкы Украина адемилитаризациеи аденацификациеи шраку.