АҞӘА, хәажәкыра 29 – Sputnik. Андреи Стенин ихьӡ зху аабатәи Жәларбжьаратәи аицлабра аусурақәа рыдкылара хнаркәшеит, раԥхьатәи аихшьаалақәа мҩаԥнагеит.
2022 шықәсазы аицлабрахь иаашьҭын 54 тәыла рҟынтәи 3 000 рҟынӡа усумҭа. Еиҳа активра аазырԥшыз жәларбжьаратәи атәылақәа 5 рахь иаҵанакит Индиа, Бангладеш, Китаи, Испаниа, Иран.
Урыстәыла рфотоҭыхыҩцәа, абжьааԥнеиԥш активра ду аадырԥшит.
Аноминациа "Сара сыпланета" ахь инашьҭын зегь реиҳа ирацәаны азыҳәақәа. Дара иаадырԥшуеит адунеи ганрацәала иаанарԥшуеит - аԥсабара, амилаҭеилазаара, атрадициақәа.
2014 шықәса раахыс раԥхьаӡа акәны аицлабра иалахәхеит Никарагуа. Еиуеиԥшым ашықәсқәа рзы аицлабра зхы алазырхәхьо атәылақәа рхыԥхьаӡара 130 ыҟоуп.
Аицлабра ажиури аусура хацнаркуеит мшаԥымзазы, асиа-кьаҿ рылаҳәахоит рашәарамзазы асаит stenincontest.ru. аҿы.
Аицлабра иазкны
Жәларбжьаратәи аинформациатә маҵзура "Россия сегодня" еиҿнакааз Андреи Стенин ихьӡ зху афотожурналистика жәларбжьаратәи аконкурс хықәкыс иамоуп ҳаамҭазтәи афотожурналистика ауаажәларра разхьарԥшра. Аконкурс – жәларбжьаратәи афотоеилазаара афотожурналистикаҟны ахьыӡ ҿыцқәа ахьаадырԥшуа, астандартқәа ахьдырҿио, иахьышьақәдыргыло ҭыԥ заҵәыкны иҟоуп.
Аиндаҭлара жәларбжьаратә информациатә партнерцәаны иҟоуп: аинформациатә маҵзуреи арадиои Sputnik, аинформациатә маҵзура Askanews, амедиахолдинг Independent Media, аинформациатә маҵзура Telam, ажәабжьтә маҵзура ANA, ателеканали апортали RT, Shanghai United Media Group (SUMG), аинтернет-портал China Daily, аинтернет-портал The Paper, амедиа-ҳа Al Mayadeen, аетникатә фотосахьақәа Рфестиваль.