https://sputnik-abkhazia.info/20220126/stenin-ikh-zkhu-aindalara-zhlarbzharati-azhiuri-rybakh-oup-1037296423.html

Стенин ихьӡ зху аиндаҭлараҿ жәларбжьаратәи ажиури рыӡбахә ҳәоуп

Стенин ихьӡ зху аиндаҭлараҿ жәларбжьаратәи ажиури рыӡбахә ҳәоуп

Sputnik Аҧсны

Аиндаҭлара 2022 шықәса рзы аԥхьахәтә фонд иартәоит 100, 75, 50 нызқь мааҭ актәи, аҩбатәи, ахԥатәи аҭыԥқәа рзы. 26.01.2022, Sputnik Аҧсны

2022-01-26T12:56+0300

2022-01-26T12:56+0300

2022-01-26T13:05+0300

акультура

ажәабжьқәа

https://cdnn1.img.sputnik-abkhazia.info/img/07e5/0c/15/1036857796_0:114:3295:1967_1920x0_80_0_0_fda1d9601ed9115ceaa339da495f9948.jpg

АҞӘА, ажьырныҳәа 26 - Sputnik. Андреи Стенин ихьӡ зху аабатәи жәларбжьаратәи аиндаҭлара ажиури алахәылацәа реилазаара рыланаҳәеит.Арахь иаҵанакуеит: амаҵзура "Ассошиеитед Пресс" (ЕАА) афотомаҵзура адиректор ихаҭыԥуаҩ Денис Пакин; "Амаҵзура Франс Пресс" (AFP) азиа-океанҭынчтә регион аҿы (Гонконг) афотодиректор Младен Антонов; анемец фотоҭыхратә еилазаара алахәыла Петер Битцер (Германиа); амаҵзура ТАСС афотоинформациа аредакциа аиҳабы Григори Дукор (Урыстәыла); афотоҭыхра апрофессор (Каир иҟоу анемец университет) Ксениа Никольскаиа; ихьыԥшым урыстәылатәи афотомаҵзура SALT IMAGES адиректор Анна Зекриа."Андреи Стенин ихьӡ зху аиндаҭлара ажиури аилазаарахь раԥхьатәи снеира даҽа аамҭак иаҵанакуеит. Усҟан ҳара ишаҳҭахыз ҳаиҭанеиааиуан. Уажәы, аковидтә ԥкрақәа ирыхҟьаны зынӡа даҽакала ҳаҟоуп. Агәра згоит уаанӡеиԥш уажәгьы афотосахьа ссирқәа ҳбап ҳәа. Еиуеиԥшым аиндаҭларақәа рҿы иаиааиуа афотоҭыхыҩ ҿарацәа рыхьӡ-рыԥша иаздырҳауеит. Ари агәахәара унаҭоит. Андреи Стенин ихьӡ зху аиндаҭлара дарбанызаалак икариеразы ԥхьаҟа узго шьаҿоуп. Аиааира зго русумҭақәа адунеи иахыҵәоит, авторцәа ашәқәа рзаадыртуеит. Иреиӷьу алхуа урҭ рымҩа шаасыртуа здыруеит" ҳәа иҳәеит "Амаҵзура Франс Пресс" (AFP) азиа-окенҭынчтә регион аҿы (Гонконг) афотодиректор Младен Антонов.2022 шықәсазы аиндаҭларахь аусумҭақәа рыдыркылоит аноминациақәа: Номинациацыԥхьаӡа усумҭак-усумҭак нарышьҭыр алшоит.Аиндаҭлара 2022 шықәса рзы аԥхьахәтә фонд иартәоит 100, 75, 50 нызқь мааҭ актәи, аҩбатәи, ахԥатәи аҭыԥқәа рзы. "Гран-при" иартәоит 700 000 мааҭ, уи реиҳа аинтерес зҵоу аусумҭа ианашьахоит.Азыҳәақәа рыдыркылоит 2022 шықәса жәабран 28 рҟынӡа аурыс, англыз, акитаи бызшәақәа рыла асаит аҿы. Жәларбжьаратәи ажиури аусура иалагоит мшаԥымзазы, ашорт-лист рылаҳәахоит рашәарамзазы асаит stenincontest.ru.аҿы.COVID-19 иахҟьаны адунеи зегьы аҿы аԥкрақәа шыҟоугьы, Андреи Стенин ихьӡ зху аицлабра ацәыргақәҵатә турнеқәа мҩаԥысуеит еиуеиԥшым атәылақәа рҿы. Роуд-шоу афоторепортиорцәа ҿарацәа ирнаҭоит алшара русумҭақәа Урыстәылеи адунеи зегьи рҿы дырбара, апроблемақәа ауаа рыдԥхьалара.2014 шықәса раахыс аицлабра агеографиа аҽарҭбаауеит Европа, Азиа, Латинтәи Америка, Африка, Мрагылара ааигәа ақалақьқәа рҿы. 2018 шықәса рзы раԥхьатәи аекспозициа цәырыргеит ООН аштаб-квартираҿы. 2019 шықәса паахыс ацәыргақәҵақәа мҩаԥыргоит Европа Ахеилак аҿы, Страсбург.2021 шықәсазы аноминациақәа партниорцәаны ирзыҟан еицырдыруа жәларбжьаратәи амедиақәа – Еидҵоу шанхаитәи амедиа гәыԥ (ОШМГ), Ауаажәларратә информациатә холдинг Аль-Маиадин ТВ, иара убасгьы агуманитартә еиҿкаара Аџьар Ҟаԥшь жәларбжьаратәи аилак (МККК) реиԥш иҟақәоу.Аконкурс азыЖәларбжьаратәи аинформациатә маҵзура "Россия сегодня" еиҿнакааз Андреи Стенин ихьӡ зху афотожурналистика жәларбжьаратәи аконкурс хықәкны иамоуп ҳаамҭазтәи афотожурналистика ауаажәларра разхьарԥшра. Аконкурс – жәларбжьаратәи афотоеилазаара афотожурналистикаҟны ахьыӡ ҿыцқәа ахьаадырԥшуа, астандартқәа ахьдырҿио, иахьышьақәдыргыло ҭыԥ заҵәыкны иҟоуп.Аиндаҭлара жәларбжьаратә информациатә партнерцәаны иҟоуп: аинформациатә маҵзуреи арадиои Sputnik, аинформациатә маҵзура Askanews, амедиахолдинг Independent Media, аинформациатә маҵзура TelamN, ажәабжьтә маҵзура ANA, ателеканали апортали RT, Shanghai United Media Group (SUMG), аинтернет-портал China Daily, аинтернет-портал The Paper, амедиа-ҳа Al Mayadeen, аинформациатә маҵзура Prensa Latina, аинформациатә маҵзура News1, аинтернет-портал DBW.Аиндаҭлара усхктә партниорны адгылара арҭоит: Урыстәыла ажурналистцәа реидгыла, ажәабжьтә портал YOung JOurnalists, ажурнал "Fotoargenta", апортал Russian Photo, апортал Photo-study.ru, афотошкола "Академия фотографии", аинформациатә портал YOung JOurnalists, ажурнал LF Magazine, Ниу-Дели афотожурналистика аклуб, ажурнал Artdoc, ажурнал LF Magazine, аинтернет-портал All About Photo, афотосахьақәа ржурнал EYE, интернет-портал IPhoto Channel, жәларбжьаратәи афестиваль PhotON.

https://sputnik-abkhazia.info/20211222/andrei-stenin-ikh-zkhu-aitslabrakh-2022-shysazti-ausumaa-rydkylara-ialageit-1036859344.html

https://sputnik-abkhazia.info/20211019/aindalara-stenin-2021-ay-gran-pri-eiyrsheit-urystylei-yrtylei-rynti-areportiortsa-1035964329.html

2022

Ажәабжьқәа

ab_AB

акультура, ажәабжьқәа