АҞӘА, хәажәкыра 30- Sputnik. Аԥсны аекономика аминистрра аимпортмҩаԥгаҩцәа Урыстәылаҟа атауар алгараз аԥҟара ҿыцқәа шалагалоу азы ргәырҽанырҵоит, иддырдыруеит урҭ аԥҟарақәа инарықәыршәаны инарҭбаау адыррақәа рымазаара шаҭаху.
Иазгәаҭоуп ақыҭанхамҩатә, афатә, аргыларатә уҳәа аалыҵқәа рзы инарҭбаау адыррақәа шаҭаху.
Ааглыхратә аалыҵ алгаразы азин ҟазҵо адокументациа аздырхиоит УА аминистррақәа рпрофильтә департаментқәа. Уи азы аиурист хаҿы ма ахатәхаҿы иҟынтәи арзаҳал нашьҭтәуп қьаадҩырала ма аинформациатә системала.
Аҳәаанырцә аалыҵ аекспорт азы азин аиуразы арзаҳал зых иақәиҭу формала инашьҭтәуп.
Уи иазку аинформациа Урыстәыла ааглыхреи ахәаахәҭреи рминистрра аофициалтә канал аҿы аиура ҟалоит.