АҞӘА, мшаԥы 1 – Sputnik. Урыстәылатәи аруаа абџьар ҷыда ахархәарала иҭадырхеит Украина арратә ргыларақәа фба: аџьаԥҳанышьҭаҵарҭақәа хәба, абылтәыҵәахырҭақәа акы ҳәа аанацҳауеит Урыстәыла ААР.
"Урыстәылатәи аруаа абџьар ҷыда ахархәарала иҭадырхеит Украина арратә ргыларақәа фба: Богуславск, Крестишьч, Резников, Велики Новоселка рҟны аџьаԥҳанышьҭаҵарҭақәа хәбеи абылтәыҵәахырҭақәа аки", - ҳәа азгәаҭоуп адырраҭараҿы.
Уи адагьы аусбарҭа адыррала уахыки-ҽнаки рыҩнуҵҟа иҭархоуп 40-ҩык амилаҭеилыхыҩцәа – хаз иго 57-тәи амотошьаҟатә бригада алахәылацәа, артиллериатә батареиак, БМПқәа ҩба, автомашьынақәа ԥшьба.
Урыстәыла аоператив-тактикатә авиациа России ааха рырҭеит 52 Украина арратә хыбрақәа. Урҭ рҟынтәи адҵаҟаҵаратә ҭыԥқәа хԥа, ареактивтә системақәа хԥа, азенит-ракетатә комплекс "Бук-М1", арадиолокатор, азенит-ракетатә комплекс С-300 ақәырԥшыга, арратә техника ргыларҭақәа жәаба, икажьын авертолет Ми-8, аԥырҩы дызҭам ахархәагақәа 8 "Байрактар ТБ-2" назлоу.
Лугансктәи жәлар Рреспублика ар ажәылара ишаҿыц иаҿуп. Амацәаз иҭакуп аиланхарҭа Кременнаиа, иахыкәшоуп аиланхарҭа Метелкино.
Украина арратә операциа иалаган жәабран 24 азы. Урыстәылатәи ар рыцхыраарала Лугански Донецки ареспубликақәа рыруаа аиланхарҭақәа рҭарцәра иаҿуп.
Хәажәкыра 25 азтәи адыррақәа рыла аоперациа актәи аетап адҵақәа нагӡоуп. Аоперациа ахықәкы хада Донбасс ахақәиҭтәроуп.