АҞӘА, мшаԥы 3 - Sputnik. Аԥснынтәи Донецктәи Жәлар Рреспубликахь хатәгәаԥхарала еибашьра ицаны иҭахаз Ахра Киркинаӡе иԥсыбаҩ ааргеит иқыҭа гәакьа Кәтолҟа, абри атәы аанацҳауеит АҶА апресс-маҵзура.
Аусбарҭа аусзуҩцәа, Аԥсны аиҳабыра рыдҵала, Донецктәи Жәлар Рреспубликахь ицеитхатәгәаԥхарала еибашьуаз иԥсыбаҩ иԥсадгьыл ахь иааргаразы.
Алахьеиқәҵаратә усмҩаԥгатә мҩаԥган Донецк.
Траурная церемония в Донецкой Народной Республике
© Foto / МЧС Абхазии
Ахра Киркинаӡе дҭахеит хатәгәаԥхарала еибашьуаз рбаталион даланы Донецк аибашьраҟны. Иара 36 шықәса ихыҵуан, хәҩык ахшара иааӡон.