АҞӘА, мшаԥы 4 – Sputnik. Урыстәыла аҳауаҽацәыхьчаратә хархәагақәа арратә операциа ҷыда иалагазар аахыс аҳауаҿы иҭадырхахьеит 392 аԥырҩы дызҭам ахархәагақәа ҳәа иҳәеит Атәылахьчара аминистрра аофициалтә хаҭарнак Игор Конашенков.
Уи адагьы, иацы Лисичанск араион аҿы аҳауатә жәылара ала иҭархан хаз игоу 24-тәи арратә бригадеи урҭ ргыларҭа ааигәара иҟаз аџьаԥҳанышьҭаҵарҭақәеи ҳәа иҳәеит аусбарҭа ахаҭарнак.
Мшаԥы 4 ауха аоператив-тактикатә авиациа Украина арратә обиектқәа даҽа 14 ааха рнаҭеит: анапхгараҭаратә ҭыԥқәа ҩба, азенит-ракетатә комплексқәа "Бук-М1" ҩба, Красногоркеи Верхнеторецкое рраионқәа рҿы, артиллериатә батареиак, аракета-артиллериатә бџьар ашьҭаҵарҭақәа ҩба. Абылтәыҵәахырҭақәа хԥа.
ДЖәР амчрақәа жәыло ахы иақәиҭыртәит аиланхарҭа Новобахмутовка. ЛЖәР Жәлар рмилициа ҩ-километрак ԥхьаҟа инеины аиланхарҭа Новотошковское аладеи мрагылареи рыла иахыкәшеит.