АҞӘА, мшаԥы 4 - Sputnik. Урыстәылатәи аруаа Украина авиациеи аҳауаҽацәыхьчаратә мчқәеи (ПВО) рыдҵаҟаҵаратә Центр ықәыргеит иҳәеит абрифинг аҿы Урыстәыла Атәылахьчара аминистрра аофициалтә хаҭарнак, аинрал-маиор Игор Конашенков.
"Арратә ҳаиртә баӷәаза Васильков ааха аҭарала урыстәылатәи аруаа Украина авиациеи аҳауаҽацәыхьчаратә мчқәеи рыдҵаҟаҵаратә Центр ықәыргеит", - иҳәеит Конашенков.
Урыстәыла авиациа мышкы ала иҭадырхеит 42 арратә обиект: азенит-ракетатә комплексқәа хԥа ("Бук-М1" - акы, "Оса-АКМ" - ҩба), артиллериатә батареиақәа ҩба, ареактивтә системақәа ҩба, аракета-артиллериатә бџьар аҵәахырҭа, арратә техника агыларҭақәа ааба.
Арратә операциа иалагазар, Украина иҭархоуп 386 аԥырҩы дызҭам ахархәагақәа, 224 зенит-ракетатә комплекс, 1 918 танки акәылӡымашьынеи, 209 реактивтә система, 814 артиллериатә шьақәгылеи аминаршәгақәеи, 1789 ак автомобилтә техника.
Хәажәкыра 24 раахыс Украина абџьарахыхра амҩаԥгаразы арратә аоперациа ҷыда цоит. Урыстәыла ахада Владимир Путин иҳәеит уи хықәкыс ишамоу киевтәи арежим аҟынтәи аашықәса агеноцид иҭагылоу ауааԥсыра рыхьчара. Уи азы Украина "абџьараҟәныхреи аденацификациеи" мҩаԥгатәуп иҳәеит иара. Урыстәылатәи Арбџьармчқәа икылкааны иқәыргоит арратә хыбрақәа, аҭынчуааԥсыреи аграждантә инфраструктуреи ԥырхага рымҭакәа.