АҞӘА, мшаԥы 5 - Sputnik. Аԥыза-министр Александр Анқәаби ареспублика асанитартә ҳақьым хада Лиудмила Скорики COVID-19 аҽацәыхьчараз иалагалаз аԥкрақәак раԥыхра атәы иалацәажәеит ҳәа аанацҳауеит Аминистрцәа риелазаара асаит.
Скорик аԥыза-министр изеиҭалҳәеит атәылаҿ иҟоу аепидемҭагылазаашьа атәы.
Ареспублика асанитар ҳақьым хада Лиудмила Скорик лажәақәа рыла акоронавирус хҽит. Убри аан лара ауааԥсыра алаҵа ҟарҵаларц ааԥхьара рылҭеит, уи зегь раасҭа ихьчагоуп.
Анқәаб Скорик лнапы ианиҵеит Акоординациатә штаб азы аналитикатә еилыркаага азлырхиарц.
Аслан Бжьаниа иусдҵала ажьырныҳәа 25 азы аспорттә хыбрақәеи акультуратә усҳәарҭақәеи русура азин ҟаҵан.
Макьаназ иарку ахыбрақәа рҿы ауаа рацәа злахәу ауснагӡатәқәа рымҩаԥгара ҟалом.
Амаҵзура аусхк хыбрақәа уаанӡеиԥш аусуҩцәа асабрадақәа ныҟәыргалароуп, ахыбрақәа, атранспорт дырзҩыдалароуп.