АҞӘА, мшаԥы 5 – Sputnik. Аҳәынҭқарратә Дума адепутат Витали Милонов ажәадгала ҟаиҵеит Урыстәылазы итрадициаз хәышықәсатәи асистема ырхынҳәызарц иреиҳау аҵараҵараҿ ҳәа аҩуеит RT Аҭҵаарадырреи ириеҳаӡоу аҵареи рминистр Валери Фальков иахь адепутат изыҳәа шьаҭас иҟаҵаны.
Милонов игәаанагарала мраҭашәаратәи атәылақәа рҿы урыстәылатәи адипломқәа разхамҵара Болонтәи асистема хра амоу иамаму ҳәа азҵаара цәырнагоит. Уи адагьы занааҭқәак рҵараан хәышықәса еиҵамзароуп ирзоужьу аамҭа.
"Аҵыхәтәантәи аамҭақәа реиҭакра азгәаҭо абри аԥшьгамҭа – Урыстәылазы итрадициаз хәышықәсатәи асистема азыхынҳәра шәазхьаԥшыр сҭахуп", - аҳәоит адепутат изыҳәа.
Болонтәи аҵаратә система 1999 шықәсазы иалагалан иреиҳаӡоу аҵараз иаку европатәи аҵакыра аԥҵаразы.
Урыстәыла ари апроцесс 2003 шықәсазы иалалеит.
Ус шакәугьы асистема изныкымкәа акритика азырухьеит, аусураҭаҩцәа абакалаврцәа инаӡам иреиҳау аҵара змоу ракәны иахьыршьо азы.