Аԥснытәи аҳәынҭуниверситет МГИМО аҭаларазы арзаҳалқәа рыдкылара иалагеит
11:17 03.04.2022 (ирҿыцуп: 11:20 03.04.2022)
© Sputnik / Виталий Белоусов
/ Анапаҵаҩра
Адокументқәа рыдыркылоит мшаԥы 4 инаркны 8 рҟынӡа 2022 шықәса рзы.
АҞӘА, мшаԥы 3 - Sputnik. Аԥснытәи аҳәынҭқарратә университет алаҳәара ҟанаҵеит Урыстәыла Адәныҟатәи аусқәа рминистрра иатәу Москватәи жәларбжьаратәи аизыҟазаашьақәа рҳәынҭқарратә институт (ауниверситет) (МГИМО) аҭаларазы ареспублика атәылауаа рҟынтәи арзаҳалқәа рыдкылара ишалагаз. Абри атәы аанацҳауеит ААУ асаит.
МГИМО аҭалара рылшоит Аԥсны Адәныҟатәи аусқәа рминистрра ахықәкытә ҿаҵа ала абакалавриат апрограммақәа рыла абжьаратә азеиԥшҵаратә школқәа роушьҭымҭацәа:
апрограмма "Жәларбжьаратәи азин" – 2 (ҩба) ҭыԥк;
апрограмма "Жәларбжьаратәи аекономикатә еизыҟазаашьақәа" – 2 (ҩба) ҭыԥк;
амагистратура апрограммақәа рыла – 3 (хԥа) ҭыԥк.
Абакалавриат апрограммақәа рыла МГИМО аҭалара зҭаху анаҩстәи адокументқәа наргароуп:
Аԥсны Аҳәынҭқарра атәылауаҩшәҟәы (азеиԥштәылауаҩратәи аҳәаанырцәтәи)
Аԥсны Аҳәынҭқарра абжьаратә зеиԥшҵаратә школ 11-тәи акласс аҿы иштәоу азы аилыркаага
11-тәи акласс аҿы итәоу аҵаҩы I ашықәсбжазтәи иеихьӡарақәа азырбо атабель, мамзаргьы абжьаратә зеиԥш ҵаразы (ихарҭәаау) аттестат
афотосахьақәа - 2 цырак шәагаала 3х4
амедицинатә еилыркаага аформа 086/у
адҩылатә ршаҳаҭга мамзаргьы аррамаҵзурахьы дшықәгылоу азы аилыркаага (арԥарцәа рзы).
Амагистратура апрограммақәа рыла МГИМО аҭалара зҭаху анаҩстәи адокументқәа наргароуп:
Аԥсны Аҳәынҭқарра атәылауаҩшәҟәы (азеиԥштәылауаҩратәи аҳәаанырцәтәи)
иреиҳаӡоу аҵаразы адокументқәа (адипломи уи ацҵеи) ишьақәыргылоу аҿырԥшыга ала, мамзаргьы аушьҭымҭа ихыркәшаратә азшьа-ԥышәаратә шәҟәаҟынтәи агәылҩаа
афотосахьақәа - 4 цырак шәагаала 3,5х4,5
арратә билет/адҩылатә ршаҳаҭга (арратә ҭакԥхықәра иаҵагылоу)
аҵара иҭало иеихьӡарақәа зну адокумент ахаҭа ма уи ахкьыԥхьаа.
Аҭаларатә ԥышәарақәа мҩаԥысуеит МГИМО апрограммақәа рыла.
Амагистратура иҭало арзаҳалқәа нарышьҭыр рылшоит аелектронтә ҭыӡҭыԥ chamyan1982@mail.ru ала. Инарҭбаау аинформациа аиуразы абарҭ аҭелқәа рахь шәасыр ҟалоит: +7 (940) 992 52 61, +7 (940) 927 06 18.
