АҞӘА, мшаԥы 5 - Sputnik. Урыстәыла Аҳәынҭқарратә дума ахантәаҩы Виачеслав Володин Буча арежиссура бзиа зызу спектакльуп Европеи ЕААи рзы ҳәа аҳәоит РИА Новости.
"Буча – ари еичырчароуп, Урыстәыла ацәахыхроуп, испектакльуп", - иҳәеит Володин.
Иара убасгьы иҳәеит НАТО атәылақәа иҟалаз аҭҵаара ишашьҭам, урҭ ахара зхарарҵаша дшырыԥшаахьоу.
Мшаԥы 3 азы украинатәи ателеканалқәеи аинтернети рҿы ицәырыргеит Киевтәи аобласт Буча ақалақь аҿы иҭырхызшәа зхырҳәааз авидео, уи аҿы иубарҭоуп амҩа ауаа рыԥсыбаҩқәа шаныжьлоу. Урҭ ршьит ҳәа ахара рхарарҵоит урыстәылатәи аруаа.
Аха уи збаз ахәаԥшцәа аӡәырҩы рылаԥш иҵашәеит "аԥсыбаҩқәа" рнапқәа ишнаха-аахоз, арратә техника анымҩасуаз ирыҵамхарц азы ишырнахоз. Урыстәыла Буча ақалақь аҿы ауаа рҭахаразы иахарарҵо зегь мап рыцәнакуеит ҳәа иҳәеит Урыстәыла ахада ипресс-маӡаныҟәгаҩ Дмитри Песков.