АҞӘА, мшаԥы 11- Sputnik. Уахыки-ҽнаки рыла Аԥсны ауааԥсыра COVID -19 азы атестқәа арҭеит 106-ҩык, урҭ рахьтә 6-ҩык аҿкчымазара шрымаз аадырԥшит ҳәа аанацҳауеит ауааԥсыра акоронавирус рацәыхьчаразы аоперативтә штаб.
Гәдоуҭатәи араионтә хәшәтәырҭа хадаҿы иԥсҭазаара далҵит акоронавирус сцәа иалаз 80 шықәса зхыҵуаз ахаҵа.
Ари аамҭазы Гәдоуҭатәи араионтә хәшәтәырҭа хадаҿы ишьҭоуп 10-ҩык, рҭагылазаашьа бааԥсуп 4-ҩык, ибжьаратәуп 6-ҩык. Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу хҩык, урҭ рахьтә аӡәы иҭагылазаашьа уадаҩуп. Очамчыра ирхәшәтәуеит хҩык, Гагратәи ахәшәтәырҭаҿы - аӡәы, Тҟәарчалтәи ахәшәтәырҭаҿы хҩык ачымазцәа шьҭоуп.