АҞӘА, мшаԥы 11 – Sputnik. Мурманск- Аҟәаҟа-Мурманск авагон аныҟәара еиҭалагоит 2022 шықәса аԥхынразы ҳәа аанацҳауеит Вести ГТРК Мурман.
Авагон аныҟәара иалагоит рашәара 7 азы, мышкы бжьара мышкы иныҟәалоит.
Авагон Мурманск адәыӷба №15/16 Мурманск-Москва иацрарҳәоит асааҭ 19:35 азы, Аҟәа иааиуеит асааҭ 09:55 азы.
Аҟәантәи иқәҵуеит адәыӷба №479 Аҟәа -Санкт-Петербург иацраҳәаны асааҭ 19:25 азы, Мурманск инеиуеит асааҭ 11:45 азы.
Вести ГТРК Мурман ишаҩуа ала мурманскаа аԥсныҟа раара ахәԥса 19 350 мааҭ иаԥсоуп.