АҞӘА, мшаԥы 12 – Sputnik. Гагра лаҵарамзазы аԥсшьацәа зҭаауа Ҭырқәтәыла еиндаҭло асиаҿ иҟоуп ҳәа аҩуеит апортал Tvil.ru.
Асиахь Гагра адагьы иаҵанакуеит Кавказтәи аминералтә ӡқәа, Шәача, Калининградтәи аобласт, Белоруссиа, Ҭаҭарсҭан, Башкириа, Ҟрым ркурортқәа.
Бжьаратәла хҩык рыла ишьақәгылоу аҭаацәа ԥшьымштәи рыԥсшьараз 15 000 мааҭ ршәароуп.
Аԥсни Башкириеи рҟны лаҵарамзазы уахыки-ҽнаки 2000 мааҭ еиҵаны иршәар рылшоит, аӡиа Баикал аҿы – 5 000 мааҭ.
Лаҵарамзатәи аныҳәатә хырхарҭақәа:
Ақалақь | Уахыктәи абжьаратә хәыԥса | Бжьаратәла аԥсшьараамҭа |
Шәача | 2 606 нызқь мааҭ | ааха-аамш |
Иалта | 3 622 нызқь мааҭ | бжьаха-бжьымш |
Кисловодск | 2 502 нызқь мааҭ | фаха-фымш |
Калининград | 2 554 нызқь мааҭ | хәаха-хәымш |
Казан | 3 600 нызқь мааҭ | ԥшьаха-ԥшьымш |
Уфа | 2 132 нызқь мааҭ | ҩаха-ҩымш |
Листвианка | 5 450 нызқь мааҭ | хәаха-хәымш |
Минск | 3 600 нызқь мааҭ | хаха-хымш |
Гагра | 1 915 нызқь мааҭ | ааха-аамш |
Tvil.ru, адыррақәа рыла атуристцәа лаҵарамзазы 3-10 уахы-ҽны рыԥсы ршьоит, 2- 5,5 нызқьмааҭ ршәоит уахыки-ҽнаки рзы.